Sexto viaxeiro!

 Seguimos traballando no noso proxecto de xeografía!

Despois de investigar sobre os elementos do mapa e diferentes tipos de instrumentos de  orientación, tocounos coñecer os mapas físico e político de España.

Tras uns retos propostos pola profesora e de maneira grupal,tivemos que cubrir todo o que sabíamos sobre España e o seu relevo.

Despois de maneira individual, e facendo memoria, tivemos que cubrir o mapa político e avaliarnos,xa que é unha parte importantísima sempre.

En breves contarémosvos como nos vai pola nosa viaxe por Europa.

A Cruz de Lampedusa

Hoxe a cruz de lampedusa, chegou ao Seminario.

O Papa, tras a traxedia das embarcacións dos migrantes na illa de Lampedusa en 2013, bendixo esta Cruz feita con anacos deses barcos afundidos e decidiu que debía dar a volta ao mundo para que non esquezamos o que pasou e o que segue sucedendo nos nosos mares.

Os alumnos e alumnas de 6º, tivemos a oportunidade de estar un intre sentados ao redor da cruz, lembrando o por que da súa presenza e dando grazas polo afortunadas que son as nosas vidas e doutra banda, todo o que teñen que poñer en risco outras persoas para poder alcanzar un novo comezo.